黃曉明暴瘦12公斤現身粉絲心痛 與Angelababy越見低調屢傳婚變

男神黃曉明同女神Angelababy（楊穎）5年前嘅童話式婚禮惹嚟唔少人艷羨，天生一對，神仙美眷，大家都諗住公主同王子會快樂咁生活落去，不過偏偏二人結婚以來不斷傳出婚變消息。

{{hket:inline-image name="1444309066962SF_D64D714AF6BCDE4744D5C360C98B80E7.jpg"}}{{/hket:inline-image}}

近日婚變傳聞越炒越熱，因為黃曉明生日時Baby都冇送祝福、奪影帝亦冇提起老婆；而Baby喺參加綜藝節目時更「拒認」已婚，唔肯打畀最親嘅老公「求助」。不過2人由始至終都冇出面澄清，而日前黃曉明「暴瘦照」一出，不免令人聯想到佢係因為情傷而暴瘦。

{{hket:inline-image name="1122880829.jpg"}}{{/hket:inline-image}}

黃曉明一組食蘋果嘅相，可見到佢將鬍剃晒，下巴線條明顯，臉部變得光滑，整個人年輕唔少，同早排喺中餐廳俾網民笑有肥膩大叔感覺時完全唔同晒，有人甚至覺得佢嘅顏值終於回到巔峰：「瘦了更加帥氣了！」、「天吶，曉明哥好帥啊，感覺回到了以前的樣子，小時候的男神啊！」，但都有人擔心佢發生咩事情，認為佢瘦得不尋常。

{{hket:inline-image name="477ad169f21f44a486c455822ca666ad_th.jpg"}}{{/hket:inline-image}}

不過曉明係為咗佢嘅演藝生涯奮鬥，佢透露為拍攝《戴假髮的人》，體重亦需減約34磅，仲導致身體出現狀況。

《戴》片導演董越爆料，指曉明因節食及連續幾天通宵班，曾有幾次心臟不適：「見他趴在戲用道具上，臉色慘白，用很微弱的聲音對我說：『我想休息數分鐘！』」曉明亦直言用斷食療法太心急減磅所致：「可能是時間太快，又不吃飯，結果身體缺少了鹽分及糖分，太虛，加上連續幾天晚上通宵拍攝，才令到心臟不適。」

（↓點擊圖片放大↓）

唔少粉絲都希望佢指完之後可以食番多啲嘢，話見到佢瘦到咁實在係好心痛，又有人表示覺得佢以前有少少肌肉個Body係最好睇，太瘦實在係不適宜！

撰文：黃蘊姿